Meri Solomon Islands i winim Australian Film Awod

Meri Solomon Islands i winim Australian Film Awod

Meri Solomon Islands i winim Australian Film Awod

Updated 12 October 2017, 13:30 AEDT

Wanpla yangpla meri blong Solomon Islands, Regina Lepping i winim pinis Best Female lead long Sydney Indie Film Festival long piksa em oli kolim long  Blackbird.

Desppla piksa i stori long wok em Australia ibin mekim long ol  yia  1800's long stilim ol pipal blong Melanesia na ol narapla kantri long Pacific long wok olsem ol labourer long ol suga cane plantesin long North Queensland.

Planti long ol despla pipal ibin am long Solomon Islands, PNG, New Caledonia na Vanuatu, na nau ol bubu oa decendents blong ol istap iet long Australia na oli save kolim ol iet olsem ol South Sea Islanders.

Wanpla yangpla Australian-Solomon Islander filmmaker  ibin raitim na mekim despla "Blackbird" film long tokaut long despla stori we iwok long kamapim iet wari long ol South Sea islanders.

Miss Lepping itok olsem emi hamamas long stap long despla piksa na helpim long tokaut long despla sore stori blong ol pipal blong Melanesia em oli bin kam long ol suga plantesin long Australia.