PNG Mendi istap isi nau, tasol heve istap iet

PNG Mendi istap isi nau, tasol heve istap iet

PNG Mendi istap isi nau, tasol heve istap iet

Updated 13 October 2017, 15:34 AEDT

Mendi taon long Southern Highlands provins  i kamap oraet nau, tasol planti heve iwok long hamarim ol pipal bihaenim ol bikpla trabal emi bin kamap tripla wik igo pinis.
 

Planti ol sevis olsem Bank, Redio stesin, haus sik, air niugini ibin pas taem ol pipal ibin kamapim fait bihaen long oli bin tokaut olsem nupla gavana blong provins William Powi ibin winim narapla candidate Joseph Kobol.

Samting olsem 16pla ol dokta tu i lusim pinis Mendi na oli no save wonem taem stret bai oli go bek long wok.

Ol bisnis tu i bungim heve long wonem planti ol pipal long Southern Highlands provins nau isave go long Mount Hagen long baem ol samting.

Miriam Yangen wanpla journalist blong NBC Radio Mendi itokim Radio Australia olsem planti pipal long provins iwok long givim bisnis igo long Western Highlands, na tu ol sikman-meri iwok long go painim marasin na halvim long Mount hagen haus sik.