Pinisim kilim dai long sanguma tokwin: Enga Lutheran Church Lida i tok

Pinisim kilim dai long sanguma tokwin: Enga Lutheran Church Lida i tok

Pinisim kilim dai long sanguma tokwin: Enga Lutheran Church Lida i tok

Updated 17 October 2017, 15:46 AEDT

Maski planti wok i gohet long ol komiuniti long daunim ol kilim dai long tokwin long Sanguma pasin long Papua New Guinea highlands, ol ibin kilim dai 7 pela meri long mun we i go pinis long Enga Provins.

Dispela i mekim wanpla lida blong Lutheran sios long Enga provins long askim strong ol politisan na ol lida blong ol communiti, long wokbung wantem na stopim pasin blong kilim nating ol narapla bihaenim ol tokwin blong sanguma oa sorcery.
 
Pastor Anton Lutz itok emi wari tru long wonem, despla kaen bilip ino bin stap bifo long Enga, tasol nau planti pipal na planti long ol em ol meri isave dai long han blong ol narapla husat isave sutim tok long ol olsem oli posin meri.
 
Emi tok tu olsem, ol polis, ol lotu na ol narapla lida long ples isave wok hard long daonim despla wari, tasol i luk olsem ol toktok blong ol ino save kamapim wanpla gutpla samting.