Solomon Public Servants i getem 3.5 % pei awod

Solomon Public Servants i getem 3.5 % pei awod

Solomon Public Servants i getem 3.5 % pei awod

Postim 17 October 2017, 16:35 AEDT

Gavman blong Solomon Islands hem awodim 3.5 percent pei inkris long olketa pablik sevant long kantri wea hem baek-deit go long naba wan July disfala yia.

Plande taem bifoa, Solomon Islands Public Employees Union hemi save faet had an straek hem save hapen tu bifoa gavman hem givim pei inkris.
 
Bat General Secretary blong Solomon Islands Public Employees Union, Robert Au hem se hem no nid fo faet had fo disfala Cost of Living Adjustment or COLA award.
 
Mr Au hem se Union hem mekem sabmisin wetem risin hem laekem disfala inkris, an niufala minista blong public sevis hem luksave long hem nomoa an apruvum nao.
 
Hem se tufala Public Service an SIPEU union ibin toktok abaot COLA ia stat long April kasem July disfala yia, an gavman hem apruvum nao fo payment.