Oposisan i mas wokim gutpela wok olsem "alternate" gavman: Timothy Masiu

Oposisan i mas wokim gutpela wok olsem "alternate" gavman: Timothy Masiu

Oposisan i mas wokim gutpela wok olsem "alternate" gavman: Timothy Masiu

Postim 18 October 2017, 15:32 AEDT

Memba blong South Bougainville i tok emi hamamas long kisim wok olsem Deputy Leader blong Opposition long Papua New Guinea National Parliament, na bai em i wok had wantaim ol arapela oposisan memba long meksua oli wok gut olsem "alternate" gavman.

Timothy Masiu em i namel long ol 17 pela memba long Shadow Cabinet we Oposisan Lida, Patrick Pruaitch ibin toaut longen aste.
 
Mr Masiu i tok em bai wok wantaim lida na ol arapela shadow minista long tokaut long ol issiu long kantri long "constructive" or pasin we bai mekim ol samting i gutpela moa long kantri.
 
Long toktok blongen aste, Oposisan Lida Patrick Pruaitch i tok Shadow Cabinet blongen igat ol niupela na experience politikol lida we bai meksua gavman em i "accountable" na "transparent".