Pipol long Port Moresby i bungim heve long ol bas draiva i straek

Pipol long Port Moresby i bungim heve long ol bas draiva i straek

Pipol long Port Moresby i bungim heve long ol bas draiva i straek

Updated 18 October 2017, 15:49 AEDT

Ol bas draiva long  Port Moresby long Papua New Guinea itokaut pinis olsem bai oli mekim ol stopwok inap long wanpla wik bihaen long oli sutim tok long polis long paitim nogut wanpla bus draiva na boskru aste long moning.

Tasol niusman Melvin Levongo i ripot olsem, sampla bas istatim ol bisnis  blong ol pinis tede long moning.
 
Aste, olgeta bus ino bin mekim ol ron blong ol na fosim planti pipal, wantem tu ol skul pikinini i wokabaut long ol longpla rot long go long skul na ol ples blong wok.
 
Levongo i ripot olsem bas draiva em ol polis ibin paitim ibin stap long haus sik wantem ol bikpla bagarap, na nau oli tok oli wari long wonem despla emi no nupla taem ol polisman i paitim na mekim nambaut long ol bus draiva na boskru.
 
Man husat igo pas long Road Transport Authority, Nelson Terema itok ofis blong en bai wok wantem ol polis long painim aut wonem samting tru ibin statim despla heve long siti.
 
Eddie Tanago emi wanpla man husat i save iusim bas long go ikam long wok, wankaen olsem ol femili memba blong en, na emi tok emi luksave long pasin em ol bas draiva i mekim long wonem ol polis ino save respektim ol pipal na oli save paitim ol nating nating.