PNG Genda Art

PNG Genda Art

PNG Genda Art

Updated 19 October 2017, 14:29 AEDT

Wari blong family vailans oa papa i save paitim meri na ol pikinini i stap yet olsem bikpela wari long Papua New Guinea na Pacific.

Igat ol wok rere i stap nau long University blong Papua New guinea "Creative Arts Strand we ol sumatin blong Skul of Humanities na Social Science bai putim kamap wanpela art show long mun bihain.

Duputy Dean blong Skul of Humanitarian na Social Science David Kombako itok dispela Art Show bai soim trupla piksa stret long ol bagarap ol meri na pikinini i save bungim long olgeta de long laif blong ol.

Long sait blong loa David Kombako itok loa i stap pinis long lukautim ol meri, we ol meri mas stap fri long mekim wok blong ol, lukautim famili na kantri.

Emi tok bikpela tingting em long kamapim awareness long komuniti wai na dispela genda-based vailans  i stap yet olsem bikpela wari long Papua New  Guinea na  dispela art show i wanpela wei long traim mekim pipol i sensim pasin blong ol.