PNG Polis brutailiti i bikpla wari iet

PNG Polis brutailiti i bikpla wari iet

PNG Polis brutailiti i bikpla wari iet

Updated 19 October 2017, 13:28 AEDT

Ol pipal blong Papua New Guinea i les pinis long harim ol tok promis blong Polis Komisina long stopim Polis brutaliti oa pasin blong paitim nating nating ol citizen.

Noel Anjo, wanpla grass roots activist long Port Moresby i mekim despla toktok bihaen long Polis Commissioner Gari Baki itokaut aste olsem polis igat despla strongpla loa blong "zero tolerance" long police brutaliti.

Mr Baki ibin mekim despla toktok bihaen long sampla polis ofisa ibin paitim wanpla bus draiva na boskru long tunde na tupla ibin go long haus sik wantem ol bikpla bagarap.

Despla heve ibin mekim  olgeta bus istop wok na  fosim planti pipal, wantem tu ol skul pikinini long  wokabaut long ol longpla rot long go long skul na ol ples blong wok.

Polis brutality emi wanpla bikpla wari long PNG na planti pipal isave tok gavman imas mekim wanpla strongpla loa long stopim despla kaen pasin.