PNG International fashion savemeri

PNG International fashion savemeri

PNG International fashion savemeri

Updated 23 October 2017, 9:24 AEDT

Papua New Guinea nau igat namba long soim fashion oa ol kolos na bilas long ol narapla kantri, na despla i mekim planti meri lida long kantri i hamamas.

Despla toktok i kamap tede taem, planti ol fashion designers blong Pacific i redi long soim fashion blong ol long Pacific International Runway em bai stat tumora long Sydney.

Tupla fashion designers blong PNG, Florence Jaukae Kamel, na wanpla model, Andrea Yuki bai stap long despla show.

Oli bin makim despla tupla meri long sanap makim PNG long PNG Fashion & Design Week long stat blong despla mun long Port Moresby we planti fashion na designers ibin soim ol bilas, art na kalsa blong ol.

Despla Pacific International Runway  i kamap pinis olsem wanpla bikpla show we ol fashion designers blong Pacific isave bung na soim ol samting em oli save mekim olsem ol kolos, jewelery, na art.

Na planti laen blong fashion na midia blong Australia nau isave go lukim despla show we isave soim style blong ol Pacific Island pipal.

Tasol long PNG iet, oli ting wonem long tupla lida meri blong Fashion, Florence Jaukae Kamel husat i wanpla savemeri blong mekim bilum, na Sarah Haoda Todd husat i wanpla bisnis meri na fashion designer tu olsem tupla i soim pinis ol bilas blong ol long America na long England.