PNG Asylum seeka lawyer i tok lukaut long trabal long ditensan senta

PNG Asylum seeka lawyer i tok lukaut long trabal long ditensan senta

PNG Asylum seeka lawyer i tok lukaut long trabal long ditensan senta

Updated 23 October 2017, 14:05 AEDT

Lawyer blong refugees na asylum seeka long Papua New Guinea Manus island itok lukaut olsem trabal bai nap kamap ken  long ditensan senta wantem ol asylum seeka na refugees taem Australia na PNG i pasim senta long namba 31 day blong despla mun.

Ben Lomai i mekim despla toktok tede taem despla tupla kantri iwok long traem fosim ol despla pipal long lusim senta na go long ol narapla ples long Manus iet na tu long ol narapla kantri.

ABC i save olsem long wik igo pinis oli bin givim toksave igo long ol despla pipal long senta olsem bai oli no nap moa long givim kaikai, wara na iletrisiti igo long ol na bai oli pasim senta long wik bihaen.

Ben Lomai itok tu olsem, pasin em Australia i mekim long ol asylum seeka na refugees ino stret, long wonem emi save toktok tumas long Human rights, tasol tru tru emi no luksave long rights blong ol asylum seeka na refugees.

Australia ibin winim wanpla sia long United Nations Human Rights council long wik igo pinis.