PNG Manus Human Rights Alliance

PNG Manus Human Rights Alliance

PNG Manus Human Rights Alliance

Updated 24 October 2017, 14:58 AEDT

Manus Alliance Against Human Rights Abuse i laikim Australia imas kisim olgeta asailam sika we i stap yet long Manus ditensan senta blongen, na i karim ol i go long Australila na wanem hap oli laik go long en.

Dispela alliance igat ol memba we i kam long ol lainkain organisation long Manus na ol community lida long Lorengau Local Level gavman

Wanpela executive memba blong dispela  grup, Ben Wamoi i tok Australia i bringim ol dispela lain i go long Manus agensim laik blong ol, na agensim laik blong ol pipol blong Manus na Papua New Guinea.

Manus Alliance Against Human Rights Abuse i mekim dispela toktok long taim we Australia bai pasin senta long pinis blong dispela mun, na bai nonap moa long givim kaikai na marasin - na katim wara na laitrik long senta.

Mr Wamoi i tok ol long Manus i agensim tru dispela kain nogut tritmen blong ol asailam sika na refiuji, na oli laikim ol narapela kantri long Pacific na hol wol imas tokaut agensim dispela kain pasin.