PNG Media imas wok hard long daonim genda base violens

PNG Media imas wok hard long daonim genda base violens

PNG Media imas wok hard long daonim genda base violens

Updated 26 October 2017, 13:14 AEDT

Ol bikpla toktok na wari bihaenim dai blong bisnis editor blong Post Courier niuspepa, Rosalyn Albaniel Evara igo hed iet long PNG na tu long Pacific rijan.

Oli askim olsem imas gat ol investigation igo long dai blong en we oli sutim tok olsem emi bin dai long domestik violens.
 
Laen blong Pacific Freedom Forum itok olsem despla dai blong the late Rosalyn Albaniel imas mekim midia industri long rijan long luksave  na halvim ol niusmeri husat iwok long kisim heve long violens.

Long Papua New Guinea iet, sampla memba blong midia iet i kros na wari tru olsem, taem Roslyn Albaniel ibin dai, Post Courier niuspepa iet ino bin mekim wanpla toktok long dai blong en.

Planti lida blong kantri tu olsem Gavana blong National Capital district, Powes Parkop tu ino wanbel long pasin em midia long PNG ino bin tokaut kuik long despla case blong the late Roslyn Albaniel.

Long mande long despla wik, editor bifo blong Post Courier niuspepa, alexander Rheeney ibin tok olsem pasin em Post Courier niuspepa ibin mekim long putim stori blong the late Roslyn namel stret long niuspepa ino bin stret.

Narapla  lida blong midia long Papua new guinea,na head blong  news na  current affairs long  EMTV, Neville Choi itok ol midia laen ino gat excuse oa samting we oli no nap helpim ol wokmeri husat iwok long kisim taem long ol man blong ol.