PNG Buk Sibougo Born in a pig's hut

PNG Buk Sibougo Born in a pig's hut

PNG Buk Sibougo Born in a pig's hut

Updated 27 October 2017, 12:23 AEDT

Skul oa education emi wanpla bikpla samting we emi ken helpim laif blong wanwan man na meri.

Despla em toktok blong Paul Titus, wanpla mansave blong Papua new Guinea Simbu provins husat ibin lainim long papa blong en taem emi bin liklik mangi iet.

Despla stori istap tu insaet long buk em oli kolim "Sibougo - Born in a pig's hut" na emi stori long laif blong Mr Titus.

Paul Titus isave stap nau long New Zealand wantem family blong en, tasol taem emi bin liklik, papa blong en ibin dai na mama ibin lusim em na maritim narapla man.

Em  ibin bungim bikpla heve, tasol emi bin wok hard tru long skul na nau emi wok long New Zealand olsem tisa long Longburn Adventist College, Palmerston North.

Tede oli stat salim buk blong en long United Kingdom na long Pacific rijan bai oli stat salim long Mande.