No-konfidens mosin long Praem Minista Sogavare

No-konfidens mosin long Praem Minista Sogavare

No-konfidens mosin long Praem Minista Sogavare

Updated 30 October 2017, 16:01 AEDT

Praem Minista blong Solomon Islands, Manasseh Sogavare bae hem fesim wanfala mosin blong no-konfidens long Mande neks wik.

Lokol politikol obseva, Benjamin Afuga hem se oposisin hem bin givim notis finis yestede fo muvum disfala mosin blong no-konfidens long praem minista.
 
Sapos olketa namba i stap sem long floa blong palamen olsem tude  moning taem oleta i vout long mosin ia long Mande, hem bae Mr Sogavare hem raos finis nao olsem praem minista.
 
Mr Afuga hem se long saet long gavman long palamen chamber tude moning hem garem nomoa samting olsem 17 memba nomoa, an olketa narafala memba olketa i stap long saet long oposisin an Independent.
 
Hem se olketa i inkludim olketa 9 fala Cabinet Minista we ibin risain long wiken an go joinim olketa long oposisin.