Australia na PNG gavman imas tingim laip blong ol asailam sika long Manus

Australia na PNG gavman imas tingim laip blong ol asailam sika long Manus

Australia na PNG gavman imas tingim laip blong ol asailam sika long Manus

Updated 31 October 2017, 16:09 AEDT

Wanpela human rights grup long Manus i singautim tupela blong Australia na Papua New Guinea long noken lukim ol asilam sika na refiuji long Manus Island ditensan senta olsem ol samting nating na rausim ol long senta.

Ben Wamoi, executive member blong Manus Alliance Against Human Rights Abuse i mekim despla toktok, taem despla tupla gavman ibin pasim senta tede long avinun.
 
Moa long 600 ol asailam sika na refiuji ibin wok long stap long senta na oli bin wok long tok olsem bai oli no nap lusim senta.
 
Australia na PNG i laikim bai ol despla pipal i surik igo long tripla narapla ples klostu long Lorengau taun.
 
Aste nait oli bin putim wanpla tok save long banis olsem bai oli stopim kaikai, wara na power igo long senta na ol laen blong PNG difens fos bai lukautim senta.