PAP muv fo endim DCCG coalition gavman agrimen

PAP muv fo endim DCCG coalition gavman agrimen

PAP muv fo endim DCCG coalition gavman agrimen

Updated 31 October 2017, 17:03 AEDT

Democratic Coalition for Change Gavman wea Praim Minista Manasseh Sogavare hem lidim hem bae nao finis fo waka olsem wanfala gavman.

Mein grup insaet long disfala Democratic Coalition for Change Gavman nao hem party blong Praem Minister Sogavare seleva, disfala United Democratic Party wea.
 
Plande long olketa 9 fala Cabinet Minista and olketa backbencher wea ibin risaen long wiken an joinim oposisan fo sapotim mosin blong no-konfidens agensim praem minista long Mande, olketa i blong UDP seleva.
 
Secretary General blong UDP, Barnabas Henson hem se long tude moning, People's Alliance Party wea hem wanfala memba insaet long coalition gavman hem givim notice long ofis blong Registrar of Political Parties fo endim coalition gavman agriment.
 
Hem se anda long Political Parties Integrity Act, diswan hem minim coalition gavman bae hem finis nao.
 
Mr Henson hem se tu olsem, enikaen toktok se olketa minista an back-bench MP wea risaen ia olketa ino sapotim Antil-Corruption Bill, hem no tru.
 
Hem se olketa memba long oposisin i laekim disfala ACB an bae olketa i sapotim long paliment.