Noken pasim ol sevis long Manus ditensan senta

Noken pasim ol sevis long Manus ditensan senta

Noken pasim ol sevis long Manus ditensan senta

Updated 1 November 2017, 16:36 AEDT

Lawyer blong ol asylum seeka na refugees long Manus Island ditensan senta long Papua New Guinea itok emi putim pinis askim igo long PNG Supreme Court blong mekim Australia na PNG i bringim bek ol sevis olsem, wara, laitrik na kaikai igo long ol asylum seeka na refugee.

Ben Lomai itok despla tupla gavman ibin stopim ol despla sevis taem oli bin pasin Australian ditensan senta aste long avinun.
 
Oli bin makim olsem despla senta bai pas long 5 kilok, tasol ol ripot itok olgeta 600 ol man long senta ino laik lusim senta, na go long ol narapla ples klostu long Lorengau taon.
 
Ol pipol blong Lorengau taon yet ino laikim ol dispela lain long go stap insait oa klostu long taun blong ol.