Kokoda i makim 75 yiar anivesari blong fait

Kokoda i makim 75 yiar anivesari blong fait

Kokoda i makim 75 yiar anivesari blong fait

Updated 3 November 2017, 13:23 AEDT

Tede namba 2 dai blong November, emi makim 75 yiar blong bikpla fait em ol soljia blong Australia ibin mekim agensim ol soljia blong Japan long Kokoda long Oro Provins blong Papua New Guinea.

Despla stori blong ol yangpela soljia blong Australia istap pinis long planti buk em oli raitim long luksave na tingim despla fait long World War Two, na stori ia i stap tu long ol piksa oa movie.
 
Nau planti tausan pipal blong Australia i save go long Kokoda blong wokabaut na bihaenim ol rot oa track we ol soljia blong Australia ibin fait long en long tingim bikpla wok em ol soljia ibin mekim long lukautim Australia na PNG.
 
Blong makim despla bikpla dei tede, bai gat ol bikipla seremoni long Canberra na tu long PNG tumora.
 
Hia long Australia wanpla ABC nius progrem em oli kolim Behind The News oa BTN i mekim wanpla progrem blong skulim ol skul pikinini long save moa na lukim stret ol ples we ol soljia blong Australia ibin fait long en long Kokoda.
 
Oli yusim piksa oli kolim vertual realitiy long cartoon blong mekim ol yangpla pipal i noken lus tingting long despla bikpla fait we ibin stopim Japan long kisim PNG na Australia.
 
Wanpla niusman blong Behind The News, Matt Holbrook ibin mekim despla Kokoda Vertual reality na emi tokim Bindi Bryce blong Pacific Beat olsem wok blong meim despla piksa ino bin isi.
 
Ol pipal blong Kokoda bai tingim na makim despla dei tumora, na  Gavana blong Oro Provins, Gary Juffa itok despla day emi bikpla samting long ol pipal blong Australia na PNG.