Manus refiuji na asailam sika i stat muv igo long nupela peles

Manus refiuji na asailam sika i stat muv igo long nupela peles

Manus refiuji na asailam sika i stat muv igo long nupela peles

Postim 3 November 2017, 15:09 AEDT

Ol refiuji  na asailam sika long Lombrum Base long Manus Provins nau i stat long muv igo long nupela ples blong ol klostu long bik taun Lorengau, tasol sampela samting ino redi yet.

Manus Provinisel Polis Komanda, David Yapu i tokim Radio Australia olsem, namba wan ples em inap kisim 400 pipol i redi pinis na sampela i wok long muv igo stap long en.
 
Emi itok narapela namba tu kemp we iken kisim 140 pipol i redi tu, tasol namba tri kemp ino redi yet.
 
PPC Yapu itok wanpela miting ibin kamap namel long Provinsel Gavana Charlie Benjamin, na Spika blong PNG National Palimen Job Pomat na lain blong Provinsel gavaman long toktok long sait long sekiuriti.
 
Em i tok ol i lida ia i orait long dispela ol nupela kemp imas kamap long lukautim ol dispela lain.