Australia na PNG ibin rong wantem ol asylum seeka na refugees

Australia na PNG ibin rong wantem ol asylum seeka na refugees

Australia na PNG ibin rong wantem ol asylum seeka na refugees

Updated 6 November 2017, 13:18 AEDT

Ol gavman blong  Australia na Papua New Guinea  imas kisim olgeta strongpla toktok long kamapim ol bikpla wari wantem ol asylum seeka na refugees long Australian ditensan senta bifo long Lombrum long Manus Provins.

Paul Harricknen, husat i wanpla  Human rights lawyer na President  blong Catholic Professionals Society  long PNG i mekim despla toktok bihaen long 600 ol pipal i no laik lusim senta maski sopos Australia na PNG ibin pasim despla senta long tunde long wik igo pinis.

Taem oli bin pasim senta, oli bin stopim tu kaikai, wara na power, na nau ol despla pipal iwok long bungim heve.

Lawyer blong ol asylum seeka na refugees nau i askim Supreme Court long mekim Australia na PNG i bringim bek ol despla sevis igo long senta.

Tasol Mr Harricknen itokim Radio Australia  olsem, despla tupla gavman ibin mekim bikpla asua stret.