PNG Gavana itok emi citizen tru tru blong kantri

PNG Gavana itok emi citizen tru tru blong kantri

PNG Gavana itok emi citizen tru tru blong kantri

Updated 7 November 2017, 14:59 AEDT

Gavana blong West New Britain provins long Papua New Guinea, i tok lukaut olsem em bai kotim  ol pipal  husat ibin bagarapim nem blong en taem oli bin tok olsem emi gat tupla citizenship, blong India na PNG.

Sasindran Muthuvel i mekim despla toktok taem emi wok long weitim toktok blong kot, bihaen long wanpla candidate blong 2017 ileksan ibin sutim tok long en olsem emi no citizen tru tru blong PNG.

Tasol Mr Muthuvel itok olsem, long 2007 emi bin kamap citizen blong PNG taem emi bin givim citizenship blong en igo long High Commission blong India long Port Moresby.

Wari blong dual citizenship nau iwok long kamapim bikpla heve tu long Palaman blong Australia, we High Court ibin rausim fopla palaman memba wantem deputi Praim Minista bifo, Barnaby Joyce long wonem emi bin citizen tu blong New Zealand.