PNG Supreme Court itok nolaik long refugees keis

PNG Supreme Court itok nolaik long refugees keis

PNG Supreme Court itok nolaik long refugees keis

Updated 7 November 2017, 14:43 AEDT

Ol asylum seeka na refugees long Australia ditensan senta bifo bai no nap kisim bek wara, kaikai, marasin na iletrisiti.

Lawyer blong ol asylum seeka na refugees long Papua New Guinea Manus provins itok PNG gavman nau imas hariap na stretim sidaon blong ol despla pipal long wonem oli no stap moa aninit long gavman blong Australia.

Ben Lomai i mekim despla toktok bihaen long  Supreme Court tede  i bin tok nolaik long askim blong en long bringim bek ol sevis olsem wara, kaikai na iletrisiti em oli bin stopim long tunde namba 31 Oktoba taem oli bin pasim despla senta.

Mr Lomai itok tu olsem despla wari blong ol asylum seeka na refugees em Australia ibin bringim ol igo long PNG aninit long Pacific solution blong en i mekim i luk olsem Australia i win na PNG i lus.