PNG imas toktok stret wantem New Zealand long ol asylum seeka

PNG imas toktok stret wantem New Zealand long ol asylum seeka

PNG imas toktok stret wantem New Zealand long ol asylum seeka

Updated 8 November 2017, 13:08 AEDT

Gavman blong Papua New Guinea imas toktok stret nau wantem gavman blong New Zealand long kisim sampla asylum seeka na refugees em oli stap long Manus provins.

Ben Lomai, lawyer blong ol despla pipal i mekim despla toktok bihaen long supreme court ibin tok nolaik  aste long larim ol sevis olsem wara, kaikai, iletrisiti na marasin igo bek long ol asylum seeka na refugees long senta.

Australia ibin stopim ol despla sevis taem emi  ibin pasim senta long 31 Oktoba na nau ol despla pipal iwok long bungim heve.

Long Sande Praim Minista blong New Zealand, Jacinda Ardern ibin askim Australian Prime Minista, Malcolm Turnbull sopos New Zealand iken kisim sampla refugee na Mr Turnbull ibin tok nolaik.

Tasol refugee lawyer Ben Lomai itokim Radio Australia  olsem, Australia ino moa lukautim ol despla pipal, olsem na New Zealand iken toktok stret wantem PNG long despla issue.

Nau wanpla lawyer blong Australia, Julian Bernside QC i askim tu New Zealand Praim Minista long kisim sampla long ol despla pipal long Manus.