PNG polis na difens bai surikim ol asylum seeka long Manus

PNG polis na difens bai surikim ol asylum seeka long Manus

PNG polis na difens bai surikim ol asylum seeka long Manus

Updated 10 November 2017, 13:22 AEDT

Tede ol polis na difens fos blong Papua New Guinea bai surikim planti moa asylum seeka na refugee lusim Australian ditensan senta bifo long Lombrum igo long ol nupla haus  klostu long Lorengau taon.

Provinsal polis komanda long Manus, David Yapu itok planti long ol despla pipal i wok long go nau long ol nupla haus long ol despla dei igo pinis.

Emi tok tu olsem gavman istat pinis long rausim ol banis raonim ditensan senta bifo long Lombrum.

Long tunde long wik igo pinis taem Australia ibin pasim senta, oli bin katim tu wara, iletrisiti, kaikai na marasin, na despla i kamapim ol bikpla wari long ol pipal long senta.

Provinsal polis komanda long Manus, Yapu itokim Radio Australia olsem bikpla  sot long ol despla sevis i mekim sampla asylum seeka na refugees long lusim Lombrum na go long Lorengau.