Rick Hou hem bae rait man fo Solomon PM: Walton Naezon

Rick Hou hem bae rait man fo Solomon PM: Walton Naezon

Rick Hou hem bae rait man fo Solomon PM: Walton Naezon

Updated 10 November 2017, 16:40 AEDT

Wanfala Solomon Islands business lida hem se  instabiliti wea hem gogohet long nasinol politik long Solomon Islands distaem, hemi nogut fo investa konfidens fo duim bisnis long kantri.

Walton Naezon hu hem Chairman blong Gold Ridge Mining Limited, an foma memba blong Central Guadalcanal, hem se tu olsem foma gavana blong Central Bank an memba fo Small Malaita, Rick Hou nau hem best man fo kamap olsem niu praem minista.

Foma Praem Minista hu hem aot long motion blong no-confidens long Mande, Manasseh Sogavare hem wanfala long olketa wea nominetim finis Mr Hou olsem kandideit fo praem minista taem palament hem vout long hem long Wednesday nekis wik.

Mr Naezon hem se, taem nao Rick Hou hem no garem inaf, bat hem se Mr Hou hem bae bringim konfidens ino long SolomonIslands nomoa bat long ovasi tu.

Long sem taem, Mr Naezon hem se tagio tu long Mr Sogavare wea hem se hem help gud long statim baek moa disfala Gold Ridge mining long Central Guadalcanal taem hem praem minista.