Rick Hou hem niufala Praem Minista blong Solomon Islands

Rick Hou hem niufala Praem Minista blong Solomon Islands

Rick Hou hem niufala Praem Minista blong Solomon Islands

Updated 16 November 2017, 10:24 AEDT

Nasinol palament blong Solomon Islands hem tude voutim MP blong Small Malaita and foma gavana blong Central Bank, Rick Hou olsem niu praem minista blong kantri.

Chois blong Rick Hou olsem praem minista hem garem bigfala sapot long palament wea 33 fala memba olketa vout fo hem an nara kandideit, memba blong Central Honiara hem garem 16 fala vout long olketa 50 memba blong palament.
 
Wanfala vout hemi no stret an olketa ino kaontim.
 
Pande toktok long olketa media an riaksin aotsaet long palament taem acting Gavana Generol, Spika Ajilon Nasiu talem aot risalt blong vout hem soam tu dat pipol i hapi wetem Mr Hou fo praem minista.
 
Long toktok blong hem aotsaet palament, Mr Hou hem se wanfala top praeoriti blong niufala Peoples' Democratic Coalition gavman blong hem, hem fo stretem saet long bigfala kaon an selen blong gavman.
 
Editor blong Solomon Bussiness Magazine an SBM Online, Robert Iroga hem bin stap tu fo herem risalt blong ileksen blong niu praem minista an hem se Mr Hou hem go baek stret long ofis blong Praem Minista and Cabinet fo stretem Cabinet blong hem an fo stat waka long polisi blong niu gavman blong hem.