PNG Gavman imas statim nau death penalty

PNG Gavman imas statim nau death penalty

PNG Gavman imas statim nau death penalty

Updated 20 November 2017, 16:03 AEDT

Attorney general na minista blong Justice bifo long gavman blong Praim Minista Peter O'Neill Kerenga Kua itok  gavman imas stat nau long bihaenim death penalty oa kilim ol pipal em oli save kilim nating ol narapla oa kamapim bikpla bagarap long ol bihaenim ol tokwin blong sorcery.

Mr Kua ibin go pas long wok blong redi-im na kamapim despla death penalty loa long PNG, em oli bin oraetim long 2014.

Emi tok gavman imas kilim ol despla kaen pipal blong stopim ol narapla husat i laik mekim wan kaen pasin bihaen taem.

Long wik igo pinis Attorney General Davis Steven ibin tok olsem gavman nau bai lukluk long givim ol strongpla mekim save na tu death penalty long ol laen em oli save kisim nating ol narapla bihaenim tok win blong sorcery.

Gavana blong  Enga province Peter Ipatas nau i askim ol pipal blong en long stopim despla kaen bilip long sanguma na tu pasin blong bagarapim na kilim nating ol pipal bihaenim ol tokwin blong sanguma.Emi tok tu olsem long mun igo pinis, samting olsem tupla ten ol meri ibin kisim taem bihaenim ol tokwin blong sanguma.

Emi tok tu olsem despla kaen pasin ino bin stap long ol pasin tumbuna blong ol pipal blong Enga.

Tasol nau Attorney General bifo, Kerenga Kua itok taem i kamap pinis long gavman i kilim ol pipal em oli save kilim nating ol narapla bihaenim tokwin blong sanguma.