PNG Pikinini meri i kisim bikpla bagarap bihaenim sanguma tokwin

PNG Pikinini meri i kisim bikpla bagarap bihaenim sanguma tokwin

PNG Pikinini meri i kisim bikpla bagarap bihaenim sanguma tokwin

Updated 21 November 2017, 8:28 AEDT

Wanpla sios lida long Papua new Guinea itok em na planti pipal long kantri i wari tru long pasin em sampla man ibin mekim long katim na bagarapim wahnpla liklik pikinini meri long Enga provins long wik igo pinis.

Anton Lutz, wanpla Lutheran missionary i tok oli sutim tok long despla pikinini meri, krismas blong en 6 olsem emi Sanguma pikinini, wankaen olsem mama blong en, Kepari Leniata em oli bin kukim em na kilim em long paia bihaenim ol tokwin blong sanguma long 2013  long Mount Hagen.

Mr Lutz itok tu olsem em iet ibin kisim despla pikinini longples na bringim em igo long haus bihaen long sampla laen long ples ibin katim em na kukim em wantem ol hotpla knife.

Despla stori i mekim planti pipal tru long PNG na long wold i kirap nogut tru na kros wantem.

Long mun igo pinis, oli bin kilim tu tripla meri em oli bin sutim tok long ol olsem oli sanguma meri long PNG Highlands rijan.

Anton Lutz itok tu olsem emi laik lukim gavman i sanap strong na kamapim ol strongpla blong givim ol trupla mekim save long ol pipal em oli save kilim nati9ng ol narapla pipal bihaenim ol tokwin blong sanguma.