PNG Gavman imas helpim long daonim sanguma vailans: Polis itok

PNG Gavman imas helpim long daonim sanguma vailans: Polis itok

PNG Gavman imas helpim long daonim sanguma vailans: Polis itok

Updated 22 November 2017, 9:17 AEDT

Wanpla sinia polis ofisa long Enga provins blong Papua New Guinea i askim strong National gavman long helpim wok em oli mekim loong daonim ol sorcery related violens long Highlands rijan.

Epenes Nili, acting provinsal polis komanda long Wabag i mekim despla askim bihaenim pasin em sampla laen ibin mekim long kukim na bagarapim bodi blong wanpla pikinini meri, krismas blong en 6 long wik igo pinis.

Oli tok despla pikinini emi blong Kapari Leniata em oli bin kukim em long paia na emi bin dai long Mount Hagen long 2013 long wonem oli bin tok olsem emi wanpla Sanguma meri.

Mr Nili itok oli gat wanpla anti sorcery task fos long daonim despla kaen violens long communiti, tasol oli no gat moni long mekim despla wok.

Long despla yia planti meri i dai pinis ol kisim bikpla bagarap long bodi blong ol, bihaen long ol man i sutim tok long ol olsem oli posin meri.

Komanda Nili itok, emi sore olsem despla kaen bilip long sanguma ino bin stap bifo long provins, tasol nau emi wok long kamap bikpla.