Solomon Islands Premias miting

Solomon Islands Premias miting

Solomon Islands Premias miting

Updated 22 November 2017, 9:20 AEDT

Malaita Province hem gohet fo redi nao fo hostim Solomon Islands Premiers Conference wea bae olketa holem long provinsol kapitol long Auki nekis wik.

Premiers konferens olketa save holem everi 2 years an evri provins wetem Honiara City Council olketa bin hostim finis an Malaita nao hem laswan fo holem.

Malaita Premier, Peter Channel Ramohia hem se theme blong konferens nao hem Resourcing Provincial Infrastructure for Vibrant Economic Development.

Mr Ramohia hem se olketa bin invaetem niu Praem Minista, Rick Hou nao fo go ofisioli openem long Mande naba 27 long Novemba an bae miting hem finis long Friday namba 1 long Decemba.

Hem se diswan hem chance blong olketa provinsol lida fo mit an tok abaot olketa achivment an challenge long provins blong olketa.