PNG Sios Seif Haus

PNG Sios Seif Haus

PNG Sios Seif Haus

Updated 23 November 2017, 9:50 AEDT

Wanpla lidameri blong Enga provins long Papua New Guinea i askim strong ol sios long kantri long kamapim ol seif haus blong ol meri em oli save bagarapim ol bihaenim ol tokwin blong sorcery.

Monica Nita husat ibin resis long 2017 national ileksan aninit long hed tok "women for change" i mekim despla toktok bihaen long sampla laen long Enga ibin kukim na bagarapim bodi blong wanpla liklik pikinini meri long wik igo pinis.

Ol ripot  itok olsem despla pikinini emi blong Kepari Leniata em sampla pipal  bin kilim long 2013 long Mount Hagen bihaenim ol tokwin blong sorcery.

Long stat blong despla wik, attorney general na minista blong justis bifo, Kerenga Kua ibin tok olsem gavman imas stat nau long bihaenim death penalty loa long ol laen husat iwok long kamapim ol sorcery violens long ol narapla.

Sampla ripot itok olsem planti meri isave dai long wan wan yiar taem ol narapla pipal isave kilim ol nating oa bagarapim bodi blong ol bihaenim ol tokwim blong sanguma.