Givim Solomon MP CDF grant go long provins kapitol grant

Givim Solomon MP CDF grant go long provins kapitol grant

Givim Solomon MP CDF grant go long provins kapitol grant

Updated 7 December 2017, 9:40 AEDT

Olketa premier blong olketa provins blong Solomon Islands i askem strong fo gavman hem inkrisim kapitol grant or selen wea hem save givim long provins fo olketa development projek long kantri.

Diswan hem wanfala long olketa samting wea olketa premier i agri long hem long 9th Premiers Conference wea Malaita Province hem hostim long Auki las wik.

Premier blong Temotu Province, David Maina hem se grant wea nasinol gavman hem save givim long olketa provins hem smol tumas - an long sem taem olketa memba blong nasinol palament i save getem big selen long Constituency Development Fund.

Mr Maina hem se disfala CDF blong olketa memba ia i go nomoa long wanwan Constituency so sapos gavman hem tingting gud, hem shuld putum nomoa dispela selem go long Provincial Capacity Development Fund, fo olketa provins i implimentim.

Long sem taem, Premier Maina hem se hem hapi tumas long hao Malaita Province hem bin hostim naba 9 Solomon Islands Premiers Conference.