Manus polis i tok ol asylum seeker hap i seif

Manus polis i tok ol asylum seeker hap i seif

Manus polis i tok ol asylum seeker hap i seif

Postim 12 December 2017, 16:09 AEDT

Provincial Polis komanda long Manus Island long Papua New Guinea itok ol stori em ol Refugees ibin mekim olsem ol pipal blong Manus i laik kilim ol ino tru.

David Yapu i mekim despla toktok bihaenim ol nius ripot olsem ol despla pipal ibin kisim tok lukaut bihaen long oli bin lusim ditensan senta bifo na surik igo long ol nupla ples blong ol klostu long Lorengau taon trupla wik igo pinis.
 
Ol refugees i bin givim wanpla video we emi soim wanpla man blong manus husat ibin spak na go long ol nupla haus blong ol na tok olsem bai oli kilim ol.
 
Oli tokim ABC olsem ol despla video i soim stret olsem ol wari blong ol olsem ol lokal pipal bai nap bagarapim ol i kamap tru nau.
 
Tasol PPC Yapu itokim Radio Australia olsem safety blong ol refugees i stap oraet.