PNG kot keis agensim maening long Bismarck Sea

PNG kot keis agensim maening long Bismarck Sea

PNG kot keis agensim maening long Bismarck Sea

Updated 12 December 2017, 16:27 AEDT

Ol environment grup wantem tu ol papa graon long New Guinea Islands i putim pinis kot keis blong ol agensim Papua New Guinea gavman na kampani emi laik mekim ol wok mining aninit long ol solwara blong Bismarck Sea.

Despla kampani Nautilus Minerals Inc, blong Canada i laik mekim ol wok mining long ol solwara namel long New Ireland nn East New Britain, tasol planti pipal i wari long despla.
 
Sopos despla mining igo hed, PNG bai kamap olsem nambawan ples tru long wold we despla kaen wok mining bai kamap long en.
 
Executive director blong Centre for Environmental Law and Community Rights, Peter Bosip na husat i memba tu blong Solwara Warriors Aalliance itok oli kotim gavman na kampani long wonem oli no laik givim ol pepa oa documents we oli tokaut stret long wonem ol kaen wok em oli laik mekim.
 
Mr Bosip itok olsem sopos bagarap i kamap em bai kamapim bikpla heve long PNG na tu long Solomon Islands.