Hem taem fo protektem bisnis fo pipol blong Solomon: Mayor Andrew Mua

Hem taem fo protektem bisnis fo pipol blong Solomon: Mayor Andrew Mua

Hem taem fo protektem bisnis fo pipol blong Solomon: Mayor Andrew Mua

Postim 13 December 2017, 16:20 AEDT

Honiara City Council hem gohet nao fo tekem samfala bold or strongfala disisin fo risevem samfala kaen bisnis for olketa pipol blong Solomon Islands nomoa.

Mayor blong Honiara City, Andrew Mua hem se trifala bisnis wea City Council hem laek risevem fo olketa lokol pipol nomoa hem takeaway fish and chips, bus sevis an taxi sevis.
 
Long saet long fish and chips bisnis, Mr Mua hem se olketa forena save salem kuk fish long restaurant blong olketa an ino jas fish and chips shop nomoa.
 
Hem se bus an taxi sevis tu hem tufala bisnis wea olketa lokol pipol blong Solomon Islands nomoa bae onam.
 
Long saet long bus sevis, Mr Mua hem se City Council hem bae stopem tu olketa short bus route wea hem mekem pipol save peim fea plande taem tumas fo go from wan ples go long narafala.
 
Hem se Executive blong hem hem hop fo statim disfala bae loa long naba wan long January.