Ol sios helt sevis bai kisim taim long nogat PNG gavman funding

Ol sios helt sevis bai kisim taim long nogat PNG gavman funding

Ol sios helt sevis bai kisim taim long nogat PNG gavman funding

Postim 13 December 2017, 16:38 AEDT

Ol sios long Papua New Guinea itok bai oli stopim olgeta helt sevis blong ol long ol rural eria long wonem National gavman ino baem iet ol wokman-meri blong ol.

Ol despla mainline sios, olsem Katolik, Uniting sios, Lutheran, Seventh Day adventist na ol narapla kristian sios isave ronim na lukautim ol sevis olsem helt na edukeisan em ol pipal isave nidim tumas.
 
Oli tok bai oli no nap moa long go hed wantem ol despla sevis long wonem ol wokman-meri blong ol ino kisim pay inap long fopla mun nau.
 
Reverend Wesis Porop emi blong Uniting sios hedkuata long Port Moresby i tok oli wari olsem sopos oli pasim ol despla sevis, planti milian pipal long ol rural eria bai bungim bikpla heve tru.