PNG weather staff ino nap stop wok nau

PNG weather staff ino nap stop wok nau

PNG weather staff ino nap stop wok nau

Updated 21 December 2017, 16:00 AEDT

Direkta  blong National weather service long Papua New Guinea itok, ol wokman-meri blong en i rausim pinis ol woning blong noken wok long despla taem blong krismas-new year.

Sam Maiha i mekim despla toktok bihaen long ol staff ibin tokaut long stat blong despla wik long noken wok long wonem gavman ino bin bihaenim askim blong apim pay blong ol long planti yia nau.

Mr Maiha itok sampla gavman minista i toktok pinis wantem ol staff na nau bai oli go hed long wok.

Emi tokim Radio Australia olsem  olsem tingting blong ol ol wokman-meri long noken mekim ol stopwok i gutpla long olgeta pipal na ol kaen wok blong transport long kantri long despla taem blong ren na tropical cyclones.