Krismas stori blong tupla PNG na Solomon Island femili

Krismas stori blong tupla PNG na Solomon Island femili

Krismas stori blong tupla PNG na Solomon Island femili

Updated 22 December 2017, 12:37 AEDT

Taem blong krismas emi kamap klostu nau na planti pipal long wold isave makim despla taem long ol kaen kaen wei, sampla isave go lotu na mekim kaikai na sherim wantem ol femili na ol frens blong ol.

Sampla ken isave raon long ol narapla kantri oa oli raon long ol narapla provins oa samting olsem.

Dr Tarcisius Tara Kabutaulaka blong Solomon Islands na femili blong en husat isave stap long Hawaii we Dr Tara isave wok olsem associate Professor at the University of Hawai'i's Center for Pacific Islands Studies itok krismas selebreisan blong ol bai no bikpla tumas olsem sopos oli stap bek long Solomon Islands.

Hawaii emi wanpla state blong America, na maski emi hap blong Pacific, oli save bihaenim kaen sidaon blong America, olsem na Dr Kabutaulaka itok bai oli kukim sampla mit na ol narapla kaen kaikai blong makim krismas.

Wanpla  wanwok blong NBC Radio New Ireland Helen Sapien na femili blong en  ibin lusim Kavieng, biktaon blong New Ireland aste na kisim bot igo long Rabaul we bai oli kisim sampla holide long hap long krismas.

Ms Sapien itok oli bin kisim bus long Kavieng na bihaenim bikrot oa highway igo long Namatanai, na kisim bot igo long Kokopo long East New Britain provins, na nau oli stap long Rabaul taon we bai oli makim krismas.