PNG Kadovar pipal istat long kisim halvim

PNG Kadovar pipal istat long kisim halvim

PNG Kadovar pipal istat long kisim halvim

Updated 9 January 2018, 15:46 AEDT

Acting provinsal administrator long East Sepik provins long Papua New Guinea itok difens fos iwok long helpim ol long bringim ol samting blong helpim ol pipal blong Kadovar island bihaenim wari blong volkeno.

Richard Kombo imekim despla toktok tede taem ol helikopta blong PNG Difens fos ibin stat long mekim ol ron blong bringim ol kaikai, wara na ol kolos igo long ol pipal em oli stap nau long Ruprup island we istap klostu long Kadovar.

Emi tok emi hamamas tu long lukim olsem ol pipal blong Kadovar island ibin lukautim wokabaut blong ol iet igo long Ruprp bihaen long oli bin lukim olsem Kadovar volkeno ibin wok long soim mak blong pairap long wik igo pinis.

Mr Kombo itok tu olsem, ol halvim em oli wok long bringim igo long Ruprup island em blong olgeta pipal blong Ruprup iet na tu ol pipal blong Kadovar.