Australia i laik rausim PNG man

Australia i laik rausim PNG man

Australia i laik rausim PNG man

Updated 10 January 2018, 14:58 AEDT

Femili blong wanpla man blong Papua New Guinea em oli bin kalabusim em bihaenim dai blong wanpla soljia blong Australia nau iwok long traem long stopim gavman blong Australia i rausim em igo bek long PNG.

Gavman ibin kalabusim Mark Basa long 2005 taem emi bin gat 16pla krismas bihaen long oli bin sutim tok long en olsem emi bin kilim despla soljia.

Long wikened igo pinis oli bin rausim em long kalabus, tasol oli bin putim em long Villawood ditensan senta we oli ting bai oli rausim em igo bek long PNG sampla taem.

Mark Basa ibin stap long Australia wantem femili blong en, taem papa blong en Richard Basa ibin skul aninit long wanpla scholarship blong Australian gavman.

Nau femili blong en na mama blong despla soljia i laikim bai Mark Basa imas stap long Australia long wonem igat ol nupla evidans we i soim olsem oli mas lukluk gut ken long despla keis.