Australia ino wanbel long China na wok blong en long Pacific

Australia ino wanbel long China na wok blong en long Pacific

Australia ino wanbel long China na wok blong en long Pacific

Updated 12 January 2018, 13:42 AEDT

Wanpla mansave long ol wok politik long Pacific rijan, itok emi luksave long wari blong Australia long ol wok em China iwok long mekim long Pacific we sampla taem ino gutpla tumas.

Dr Tarcisius Tara Kabutaulaka blong Solomon Islands husat isave wok olsem associate profesa long Pacific island studies long University blong Hawai'i bihaen long minista blong International Development na Pacific long gavman blong Australia,  Senator Concetta Fierravanti-Wells i sutim long China olsem emi wok long iusim moni blong en long strongim ol wok long Pacific rijan.

Seneta Fierravanti-Wells itok tu olsem ol samting em China isave mekim long Pacific isave bruk daon kuik na tu olsem emi save givim ol dinau we ol Pacific Island kantri ino nap long bekim.

Aste China ibin autim toktok kros olsem emi no wanbel wantem despla kaen toktok blong gavman blong Australia.