PNG East Sepik Gavana itok tenk yu

PNG East Sepik Gavana itok tenk yu

PNG East Sepik Gavana itok tenk yu

Updated 12 January 2018, 13:49 AEDT

Gavana blong east Sepik provins long Papua New guinea, Allan Bird  itok tenk yu long ol laen wantem tu Australia husat i givim sampla halvim igo long ol pipal blong Kadovar Island bihaen long mauden paia long hap iwok long soim mak blong pairap.

Australia i givim pinis samting olsem K60 tausan kina long helpim ol wok blong bringim kaikai na ol imegensi saplai igo long ol pipal husat ibin ronowei lusim Kadovar na nau oli stap long aiilan blong Ruprup we istap klostu long Kadovar.

Klostu samting olsem 700 ol pipal blong Kadovar ibin lusim ples blong ol long Fraide long wik igo pinis, na nau bai oli surukim ol despla pipal igo long bikples East Sepik long ol despla wik ikam.

Ol ripot ikam long PNG itok Kadovar volkeno ibin silip isi long moa long 300 yiar na nau tasol emi bin redi long pairap.

Gavana, Allan Bird itok tu olsem ol mansave oa saintis blong Rabaul Volcanological Observatory istap nau long Kadovar blong lukluk na mekim wok painimaut long despla mauden paia.