PNG itok gudbai long Rugby na sports sempion Kato Ottio

PNG itok gudbai long Rugby na sports sempion Kato Ottio

PNG itok gudbai long Rugby na sports sempion Kato Ottio

Updated 12 January 2018, 16:09 AEDT

Moa  long 5 tausan pipal ibin stap long bikpla lotu blong tok gudbai long PNG rugby na sports sempion long Sir John Guise stadium long Port Moresby long morning.

Kato Ottio ibin dai long Port Moresby long Mande bihaen long samting em sampla iwok long tok heat stroke  oa bodi blong en ibin hot tumas.

Mr Ottio, krismas blong en 23 isave bin pilai wantem PNG LNG Kumuls na tu PNG Hunters ibin dai long bik moning long Mande long Pacific International Hospital long Port Moresby.

Ol ripot ikam long PNG itok emi bin ron na excercise wantem PNG Hunters na Kumuls long Fraide long Port Moresby, we emi bin pudaon na oli bin bringim em igo long haus sik, tasol emi bin dai.

Emi bin wok long redi long go long pilai wantem wanpla rugby team long England long Fonde, oa aste, tasol pastem long despla emi  bin pilai tu wantem Canberra raiders.

Tede ol Canberra Raiders rugby league team ibin bung na tingim Kato Ottio to long Canberra we ol players na ol bosman blong team ibin mekim planti gutpla toktok long tingim Kato Ottio.

ABC niusman long Port Moresby, Bethany Harriman ibin stap long despla lotu na emi tokim Radio Australia olsem Sir John Guise stadium ibin pulap nogut tru long ol pipal.