PNG Universitis bai go hed na apim skul fi

PNG Universitis bai go hed na apim skul fi

PNG Universitis bai go hed na apim skul fi

Updated 15 January 2018, 14:58 AEDT

Tupla bikpla universiti blong Papua New Guinea itok bai oli go hed na apim ol moni oa skul fees, maski sopos Praim Minista Peter O'Neill itok gavman blong en ino sapotim despla tingting.

Long mun igo pinis University of Papua New Guinea ibin tokaut olsem em bai apim ol skul fee long wonem gavman ibin katim moni emi save givim long university, despla i min olsem ol sumatin imas K7, 500.00 kina lusim K2,900.

Despla i mekim planti sumatin na papa na mama i kros na tok moni ia i antap tumas, na sampla sumatin itok bai oli no nap go bek long skul. Wanpla long ol despla sumatin em Peter Nahi, husat ibin memba bifo blong student representative council long UPNG.
.
Na Prime Minista Peter O'Neill ibin tokaut olsem gavman blong en ino sapotim despla tingting.

Tasol ol Universities itok oli nogat narapla rot long lukautim ol univerdsities olsem na oli mas apim skul fee olsem James Robins,director blong public relations na events management long University of Papua New Guinea itok oli mas gat inap moni long ronim skul.

Na  acting vice chancellor long University of technology long Lae, professor Kaul Gena itok ol universiti em oli bisnis na oli mas gat moni long mekim wok blong ol.