PNG namba tu volkeno i laik pairap long East Sepik

PNG namba tu volkeno i laik pairap long East Sepik

PNG namba tu volkeno i laik pairap long East Sepik

Updated 16 January 2018, 15:03 AEDT

Gavana blong East Sepik provins long Papua New Guinea itok oli surikim pinis namel long 500 na 600 ol pipal lusim Ruprup Island we i stap klostu long Kadovar Island volkeno igo long bikples klostu long Wewak.

Allan Bird i mekim despla toktok tede taem ol ship blong PNG Navy iwok long halvim long bringim ol despla pipal igo long Wewak.

Toktok blong en i kamap tu long wankaen taem we aelan blong Biem we igat volkeno long en iwok long soim mak blong pairap.

Long wik igo pinis Kadovar volkeno ibin stat long toromoi ol pipia oa ashes na mekim olgeta pipal long hap i ronowei igo long Ruprup.

Gavana Bird itokim Radio Australia  olsem ol mansave blong ol volkeno blong Rabaul volcanological observatory nau i putim ol masin blong wuas gut long ol despla volkeno.