PNG National kot i sasim 97 pipal long kilim sevenpla pipal

PNG National kot i sasim 97 pipal long kilim sevenpla pipal

PNG National kot i sasim 97 pipal long kilim sevenpla pipal

Updated 16 January 2018, 14:58 AEDT

Wanpla Attorney General na Justice Minister bifo long Papua New Guinea itok education oa kisim gutpla save i wanpla gutpla rot blong daonim pasin blong sutim tok nating na kilim ol narapla bihaenim tokwin blong sanguma.

Sir Arnold Amet i mekim despla toktok bihaen long  National Court long Madang ibin sasim 97 pipal long kilim nating sevenpla pipal long provins long 2014 bihaenim ol tokwin blong sanguma oa sorcery.

Sir Arnold husat i kam long Madang itok pasin em kot i mekim imas soim ol pipal olsem loa istap blong lukautim olgeta pipal na oli mas luksave oa respektim ol despla loa.

Pasin blong kilim nating ol na bagarapim ol pipal bihaenim ol tokwin blong sanguma nau iwok long kamap bikpla tru na Praim Minista Peter O'Neill i askim ol sios long wok had moa iet long skulim ol pipal long stopim despla kaen ol pasin.

Sir Arnold Amet itokim Radio Australia olsem emi sore long tok olsem bai longpla taem iet pastem despla kaen vailans bai go daon.