Australia, China na Pacific Politikal wari

Australia, China na Pacific Politikal wari

Australia, China na Pacific Politikal wari

Updated 17 January 2018, 15:13 AEDT

Ol strongpla toktok em minista blong International Development na Pacific long gavman blong Australia,  ibin sutim long China olsem emi wok long iusim moni blong en long strongim ol wok long Pacific rijan iwok long kamapim planti toktok iet long rijan.

Long wik igo pinis .Senator Concetta Fierravanti-Wells ibin tok olsem China isave bildim ol samting long pacific rijan we isave bruk daon kuik na sampla taem ino gutpla tumas.

Seneta Fierravanti-Wells itok tu olsem China  save givim ol dinau we ol Pacific Island kantri ino nap long bekim.

Long wik igo pinis  China ibin autim toktok kros olsem emi no wanbel wantem despla kaen toktok blong gavman blong Australia.

Pala Molisa emi lecturer long  School of Accounting na Commercial Law, long  Victoria University long New Zealand na emi tokim  Radio Australia olsem emi luksave long wari blong Australia.