Ol PNG Papamama ino wanbel long ol nupla Universiti fee

Ol PNG Papamama ino wanbel long ol nupla Universiti fee

Ol PNG Papamama ino wanbel long ol nupla Universiti fee

Updated 19 January 2018, 14:44 AEDT

Ol papa mama ino nap baem ol bikpla moni em University blong Papua New Guinea na ol narapla University long kantri i laikim long wonem, oli no save lukim ol despla kaen moni.

Oli meikim despla toktok bihaen long University blong PNG itok emi apim mak blong skul fee long wonem national gavman ibin katim moni emi save givim long university, despla i min olsem ol sumatin imas K7, 500.00 kina lusim K2,900.

Despla i mekim planti sumatin na papa na mama i kros na tok moni ia i antap tumas, na sampla sumatin itok bai oli no nap go bek long skul.

Sampla itok sopos ol sumatin ino go bek long skul, despla bai kamapim bikpla heve long kantri bihaen taem.

Collin Pake emi wanpla papa na tu emi founding Director blong Life PNG Care Inc na emi tokim Radio Australia olsem, planti papa-mama em oli stap long ol rural eria na oli nogat despla kaen moni long baem skul blong ol pikinini blong ol.