Kokoda trekking bisnis wari

Kokoda trekking bisnis wari

Kokoda trekking bisnis wari

Postim 7 February 2018, 14:22 AEDT

Wanpela man blong Oro Province husat i papa blong Kokoda Ultimate Tours trekking kampani em i apil long ol papagraun hosat i wok long pasim hap rot long Kokoda track long oli mas opim bek.

Sampela landona i pasim rot long Sogeri  long wanem oli tok nasinol gavman em ino givim moni na sampela moa samting em ibin promisim.
 
Joe Duhube husat i lukautim tu Kokoda museum na memorial, i tok pasin oli pasim rot em i wok long putim bikpela wari na bagarapim livelihood blong olgeta pipol we i involv long trekking bisnis.
 
Em i tok bai mobeta sapos ol papagraun i opim rot taim toktok i gohet wantaim gavman long sait long ol demand blong ol.
 
Mr Duhube i tokim Radio Australia olsem, as blong ol dispela heve em long wanem dispela Kokoda Track Authority wea em i no wokim wok blongen gut.