PNG shipping long Guinea Islands na bikpela ailan

PNG shipping long Guinea Islands na bikpela ailan

PNG shipping long Guinea Islands na bikpela ailan

Postim 7 February 2018, 14:43 AEDT

Wanpla mama na meri lida long Bougainville long Papua New Guinea itok emi hamamas tru long kampani we i save ronim pasinjia ship MV Chebu namel long New Guinea Islands na mainland PNG igat ol strongpla loa long ol pasinjia na kago.

Francesca Semoso, husat i deputy speaker long Autonomous Bougainville gavman i mekim despla toktok long makim 6pla yia long last friday  bihaen long MV Rabaul Queen ibin kapsaet na kilim moa long 100 ol pipal long 2012.
 
Planti long ol pasinjia long despla Rabaul Queen ibin kam long Bougainville, East New Britain, West New Britain na tu long bikples PNG taem emi bin go daon long solwara klostu long Lae long Morobe provins.
 
Toktok blong en i kamap tu long wan kaen taem we wanpla pasinjia ship blong Kiribati ibin kapsaet long ol solwara long mun igo pinis na moa long 90pla ten pipal iwok long lus iet long en.
 
Francesca Semoso itokim Radio Australia olsem emi hamamas tru olsem despla  MV Chebu shipping kampani ibin lainim sampla lesson long birua blong MV Rabaul Queen.